9-11 октябрь көннәрендә Татарстан Республикасы Милли китапханәсендә «Әдәби фест» дип аталган фестиваль узачак.

9-11 октябрь көннәрендә Татарстан Республикасы Милли китапханәсендә «Әдәби фест» дип аталган фестиваль узачак. Чара Татарстан Язучылар берлеге тарафыннан оештырыла. Төп партнер – Бөтендөнья татар яшьләре форумы.

Өч көн дәвамында Татарстан Республикасы Милли китапханәсе мәйданында әдәбият, музыка, кино һәм театр сәнгате турында фикер алышу булачак.

Фестиваль программасында: әдәби маркет, лекторий, балалар почмагы, фильм карау, иммерсив спектакль, китап алмашу – буккроссинг, шигъри-музыкаль кичәләр.