8-10 ноябрь көннәрендә дөнья күләмендә Татарча диктант акциясе 9 нчы тапкыр узачак. Диктантта һәркем катнаша ала.

8-10 ноябрь көннәрендә дөнья күләмендә «Татарча диктант» акциясе 9 нчы тапкыр узачак. Диктантта һәркем катнаша ала.

Акциягә катнашу, язу ноктасын оештыру, диктантны онлайн язу өчен тулырак мәгълүматны diktant.tatar сайтында табарга мөмкин.



Диктантта катнашучылар өчен өч төрле текст әзерләнде: катлаулы дәрәҗә — Шәриф Камалның «Матуртуганда» романыннан өзек; уртача дәрәҗә — Гомәр Бәширнең «Туган ягым – яшел бишек» хикәясеннән өзек; җиңел дәрәҗә — Мирсәй Әмирнең «Агыйдел» хикәясеннән өзек.

Быел беренче тапкыр диктантны латин әлифбасында язарга мөмкин булачак.

8-10 ноябрьдә ТНВ Татарстан һәм ТНВ Планета телеканалларында 11:00 сәгатьтә артистлар, җәмәгать эшлеклеләре һәм башка танылган шәхесләр катнашында Гөлназ Сәфәрова алып барган диктант уку эфиры оештырылачак.

Казандагы төп язу ноктасы – Казан федераль университетының Филология һәм мәдәният арабагланышлар институты.

Шулай ук анда Шәриф Камалга багышланган күргәзмә дә оештырылачак. Әлеге күргәзмә ТР Милли музее, Татар әдәбияты тарихы музее һәм Шәриф Камал мемориаль фатиры хезмәттәшлегендә әзерләнде.